يامنى عيني

يا مــنى عــيــني


يا منى عيني وياحب قلبي وغرامه
في يدينك مفاتيح النكد والسعادة

تستثير العواطف كلمةٍ من كلامه
يا سعد قلبي ويا حبه ويا وداده

أنت لك في وسط قلبي محل وزعامه
وهيبه وطيبه وسلطة وملْك وسياده

ما علي مالبشر لو يلحقوني الملامه
يا فرح قلبي وغاية مناه ومراده

ما يزيد الوله والشوق غير ابتسامه
ابتسامه نقاء تنهي حياة النكادة

عاش وجه السعادة والفرح والسلامة
طيفه ألذ من ليلٍ يذعذع براده

من بغى ينتقد في نوره وفي ظلامه
يتلعثم لسان المنتقد وانتقاده

ذاك من بد خلق الله ومن بد أنامه
ضيّع أرباح مال المقتصد واقتصاده

كل يومٍ وقلبي هايمٍ في هيامه
الله يسقيه ويمده ويسقي بلاده

وعينه اللي لها لمعه وفيها وسامه
تشغل افكار تفكيري وتقتل عناده

ضحكته تشفي امراض النكد والندامة
وتطرب قلوب ناسٍ عايشه في بلاده

وصلوا له سلامي له وردوا سلامه
دام فيه الوفاء والطيب طبعٍ وعاده


أتمنى أن تنال إعجابكم
واعذروني لو أبطيت

الشاعر / عبدالله القحطاني